પાટણના હારીજના દાંતરડા ગામના પાટીયા પાસે સર્જાયેલા ગમખ્વાર અકસ્માતમાં 3 લોકોના મોત થઈ ગયા છે. જ્યારે પાંચ ઘાયલ થયા છે. પગપાળા બહુચરાજી જઈ રહેલા સંઘને આ અકસ્માત નડ્યો છે. યાત્રાળુઓ વરાણા ખોડિયાર માતાના મંદિરે પગપાળા જઈ રહ્યા હતા ત્યારે તેમને આ અકસ્માત નડ્યો હતો. યમરાજ બનીને આવેલા ટ્રકે લોકોને અડફેટે લેતા ત્રણ લોકોના મોત થઈ ગયા છે. આ મામલે પોલીસ દ્વારા વધુ તપાસ હાથ ધરવામાં આવી છે જ્યારે ઘાયલોને સારવાર માટે ખસેડવામાં આવ્યા છે.મહેસાણા જિલ્લાના બહુચરાજી તાલુકાના અંબાલા ગામના પગપાળા યાત્રા સંઘને આ અકસ્માત નડ્યો છે, જેમાં એક લારી અકસ્માત બાદ રોડ પરથી ઉતરીને ઝાડીઓમાં પડેલી દેખાઈ રહી છે.
Breaking News
Sun, Apr 28, 2024
|Gujarati
