ચીખલી નજીકના આલીપોર ગામની સીમમાં કડોદરાની 24 વર્ષીય યુવતીને અજાણી વ્યક્તિ સાથે ફોન પર પરિચય હતો. જેને નાશિક અભ્યાસ માટે મોકલવાની લાલચે બોલાવી બે મિત્રોએ કારમાં લઈ જઈ ઠંડુ પીવડાવી બેભાન કરી ઝાડી ઝાંખરામાં લઇ જઇ બળાત્કાર ગુજાર્યો હતો. યુવતી ભાનમાં આવતા તેને ચપ્પુ ની અણીએ કોઈ ને કહીશ તો જાન થી મારી નાખવાની ધમકી આપી ચિખલી ઉતારી દીધી હતી. જ્યાં યુવતીએ જીવન ટુકાવવાની કોશીશ કરતાં હોસ્પિટલ ખસેડતા સમગ્ર બનાવની જાણ થઈ હતી. આથી પોલીસ ફરિયાદ થતાં પોલીસે દમણના બે શખ્સો સામે બળાત્કારનો ગુનો નોંધી તેઓની ધરપકડના ચક્રો ગતિમાન કર્યા છે.
