આણંદ જૂના બસ સ્ટેશનમાં એસટી બસો અટકાવી છાત્રોએ હોબાળો મચાવ્યો...
આણંદ જૂના બસ સ્ટેશનમાં બપોરે ગંભીરા, આંકલાવ પંથકના 300થી વધુ વિદ્યાર્થીઓ એસટીબસની રાહ જોઇને ઉભા હતાં. બપોરના સમયે માત્ર એક આણંદ ગંભીરા રૂટની એસટીબસ ખોટકાઇ જતાં છાત્રોએ બીજી બસ મુકવાની માંગ કરી હતી. આ સમયે શીડ્યુલ ટાઇટ હોવાથી વ્યવસ્થા ન થતાં વિદ્યાર્થીઓ બસની આગળ બેસીને એસટીબસો અટકાવતાં મામલો ગરમાયો હતો. ત્યારે ડ્રાઇવરે એસટીબસ ચાલુ કરીને વિદ્યાર્થી પર ચઢાવી દેવાનો પ્રયાસ કર્યો હોવાના આક્ષેપથી વિદ્યાર્થીઓ ડેપો મેનેજરની ઓફિસમાં ઘુસી ગયા હતા. આખરે આણંદ શહેર પોલીસે મામલો થાળે પાડ્યો હતો.
