હનુમાનબારી સર્કલ પાસે હાઈવેની વચ્ચોવચ રખડતા ઢોરોનો અડિંગો...
વાપી-શામળાજી હાઈવેના હનુમાનબારી સર્કલ પાસે હાઈવેની વચ્ચોવચ રખડતા ઢોરોનો અડિંગો જોવા મળી રહ્યો છે, જેના કારણે હાઈવે પર વનવે જેવી સ્થિતિનું નિર્માણ થયું છે અને જેને લઈ ટ્રાફિકની સમસ્યા ઉદભવી રહી છે. વળી અહીંથી પસાર થતા વાહનચાલકોને માથે જીવનું જોખમ તોળાઈ રહ્યું છે. ત્યારે રખડતા ઢોરો સામે પગલાં લેવામાં તંત્ર વામળું પુરવાર થઇ રહ્યું હોય એવું પ્રતીત થઈ રહ્યું છે. તંત્ર દ્વારા રખડતા ઢોરોના માલિકો વિરુદ્ધ કડક પગલાં લેવાય એવી લોકમાંગ ઉઠી છે.
