ટાંકીઓની આડમાં લઇ જવાતો 12.84 લાખનો દારૂ ઝડપાયો...
બોરસદ પોલીસની ટીમ પેટ્રોલિંગ કરી રહી હતી દરમિયાન વડોદરા પાસીંગ ટેમ્પોમાં પ્લાસ્ટિકની પાણીની ટાંકીઓની આડમાં વિદેશી દારૂ ભરીને બોરસદ તરફ આવી રહ્યો હોવાની ચોક્કસ બાતમીના આધારે પોલીસ દ્વારા વોચ ગોઠવવામાં આવી હતી. દરમ્યાન ટેમ્પો આવતા પોલીસે અટકાવી તપાસ કરતા ટેમ્પામાં તપાસ કરતા પ્લાસ્ટિકની ટાંકીઓ મૂકી હતી. જેમાંથી પોલીસે વિદેશી દારૂ અને બિયર મળી કુલ રૂપિયા 12.84 લાખની મતાનો વિદેશી દારૂ મળી આવ્યો હતો. પોલીસે બંનેની અટકાયત કરી ટેમ્પો, મોબાઈલ, રોકડ અને વિદેશી દારૂ મળી કુલ રૂપિયા 23.49 લાખનો મુુદ્દામાલ કબજે કર્યો છે.
