પાલિકા કમળા ડમ્પિંગ સાઇટ પર કચરો નાખવાનું બંધ કરે : સરપંચ
નડિયાદમાં નગરપાલિકા દ્વારા શહેરભરના કચરાનો નિકાલ જે કમળા ડમ્પિંગ સાઈટ પર કરવામાં આવે છે તેને લઇ વિવાદ વકરી રહ્યો છે. શહેરભરનો કચરો કમળા ગામની સીમમાં નાંખવાને કારણે ખેતીવાડી વિસ્તારમાં અતિ ભારે દુર્ગંધ મારતી હોવાની ફરિયાદ ગામના સરપંચ દ્વારા કરવામાં આવી છે. સરપંચે આક્ષેપ કર્યો છેકે વારંવારની રજૂઆતો બાદ પણ આ કચરો નાખવાની કામગીરી હજુ પણ ચાલુ છે. જે બંધ કરવામાં નહીં આવે તો નાછૂટકે તેઓને નગર પાલિકાના ટ્રેક્ટરો રોકવાની ફરજ પડશે.
