શોભાસણ રોડ પર શાહીલ ટાઉનશીપમાં જુગારધામ પર પોલીસના દરોડા...
મહેસાણા શહેરના શોભાસણ રોડ પર આવેલ શાહીલ ટાઉનશીપ-2મા રહેતો પઠાણ એઝાજ ખાન ઉર્ફ પપુ પોતાના મકાનમા જુગાર રમાંડતો હોવાની બાતમી મહેસાણા તાલુકા પોલીસને મળી હતી. જે બાદ પોલીસે સ્થળ પર દરોડા પાડી જુગારધામ ઝડપી લીધું હતું. જ્યાં જુગાર રમતા 9 લોકો રંગેહાથ ઝડપાયા હતા. સમગ્ર દરોડા દરમિયાન પોલીસે મકાનમાંથી 14,730 રૂપિયા રોકડા, 5 મોબાઈલ કિંમત 20,500, જુગાર રમવાના 284 નંગ કોઈન મળી કુલ 35,230નો મુદ્દામાલ કબ્જે કરી વધુ તપાસ આદરી હતી.
