આંકલાવના બજારમાં સ્ટ્રીટ લાઇટ બંધ થતાં ત્રણ દિવસથી અંધારપટ...
આંકલાવ નગરપાલિકામાં વહીવટદારના શાસન દરમ્યાન વાંરવાર બેદરકારીના કિસ્સાઓ પ્રકાશમા આવી રહી છે ત્યારે વધુ એક બેદરકારીના કારણે બજારમાં લગાવેલ સ્ટ્રીટ લાઈટો છેલ્લા ત્રણ દિવસથી બંધ થઈ જતા બજારમાં અંધારપટ છવાયો છે તો બીજી તરફ વિરકુંવા ચોકડી પર લાખો રૂપિયા ખર્ચે લગાવેલ વીજ ટાવરની સ્ટ્રીટ લાઈટો બંધ રહેતા મુખ્ય માર્ગો પર પણ વાહનચાલકો મુશ્કેલીમાં મુકાયા છે. ત્યારે આંકલાવ પાલિકાના અણઘડ વહીવટના કારણે બજારોમાં અંધારપટ છવાઈ જતા નગરજનોને ભારે હાલાકીનો સામનો કરવો પડી રહ્યો છે જેને લઈને વહેલી તકે સ્ટ્રીટ લાઈટો ચાલુ થાય તેવી માંગ શહેરી જનો કરી રહ્યા છે.
