ખેતરમાં જુગાર રમી રહેલા ચાર શખ્સો 1.15 લાખના મુદ્દામાલ સાથે ઝડપાયા...
ભરૂચ એલસીબીનો સ્ટાફ જંબુસર વિસ્તારમાં પેટ્રોલીંગમાં હતો. દરમિયાન જંબુસરથી કાવી જતા રોડ ઉપર આવેલ દહેગામની સીમમાં ખેતરમાં બનાવેલ પાકા મકાનની છત ઉપર જુગારધામ ચાલી રહ્યો હોવાની બાતમી મળી હતી. બાતમીના આધારે પોલીસે દરોડા પાડી સ્થળ પરથી રોકડા 18 હજાર અને ચાર બાઈક મળી કુલ 1.15 લાખનો મુદ્દામાલ કબજે કર્યો હતો અને જુગાર રમતા ચાર જુગારીઓને ઝડપી પાડ્યા હતા.
